காணவில்லை..

புழுதி மண்ணில் புரண்டு ஆடிய
பேந்தா கோலி,
பம்பரக் கயிற்றில் சேர்த்த
சோடா மூடி,
கவட்டை குச்சியால் பந்தயம் ஓட்டிய
பேட்டரி வண்டிகள்,
தெருவெங்கும் பொறுக்கி சேர்த்த
சிகரெட் அட்டைகள்,
சீட்டுக் கட்டில் உருவாக்கிய
கோபுரங்கள்,
மூச்சிறைக்க ஓடி ஆடிய
எறிக்குச்சி ஆட்டம்,
அடி வாங்கிக் கொண்டே ஆடிய
பே பே பந்து,
தண்டவாள காசு,
பம்பாய் மிட்டாய் வாட்சு,
என் பால்யத்தோடு தொலைந்து போன
விளையாட்டுக்கள்
இன்னும் எத்தனை எத்தனையோ..